سيرم فيتامين سي بأقل التكاليف

سيرم فيتامين سي المعروف بأرتفاع سعره في الأسواق 

عملته اليوم بأقل التكاليف والنتيجة زي أغلى نوع ممكن تشتريه من الماركات العالمية 

كلنا عارفين ان مجرد التفكير السلبي أو السهر أو الإرهاق أو حب الشباب  تأثيرهم المباشر بيكون على البشرة 

وأن بعض الأشخاص الذين يتبعون حمية او أنظمة تخسيس اكبر متضرر بيكون بشرتهم 

أنا جبت لكم الحل السحري وعن تجربة 

سيرم فيتامين سي الجبار في تفتيح البشرة وصفاءها وإزالة التصبغات وتوحيد لونها في أقل وقت ممكن 

تعالو نتعرف على مكونات السيرم 

بسم الله ❤

المكونات :

١- معلقتين ماء مقطر من الصيدلية لو مش متوفر استبدليهم بماء ورد 

٢- نفس المعلقة استخدميها في وضع معلقة جلسرين 

٣- معلقة حمض الاسكوربيك لو مش هتقدري توفريه اشتري علبه سي ريتارد من الصيدليه و خدي المسحوق منها رخيصة ومتوفره 

٤- كبسولة فيتامين E

٥- زجاجة غامقة من اي زجاجات قطارة المهم تكون غامقة 

يلا نسمي الله ونبدأ الطريقة 

***********************

حطي الماء المقطر في الزجاجة و معاها بودرة حمض الاسكوربيك  او فيتامين سي ورجيهم جيدا حتى يذاب تماما وبعد ذلك قومي بوضع الجلسرين وفيتامين هاء او E

يلا نحطهم في مكان مظلم  وبارد للمساء يعني ممكن في باب الثلاجة من تحت 😘😘😘

دلوقتي يا أجمل بنات بقا عندنا سيرم فيتامين سي بأقل التكاليف ونتيجته هتحسي بيها من أول استخدام 

تعالي بئا اقولك تستخدميه ازاي ❤💃

قبل النوم تغسلي وشك بالغسول الي عندك وتنشفيه كويس برفق  وبعدين تاخدي نقطة من السيرم على جبهتك ونقطة على خدودك الجميلة ونقطة على الذقن وتدلكي برفق 

ممكن تحسي ان وشك بيحرقك شوية دا من أثر فيتامين سي بس لو استمر الحرقان بعد الاستخدام بكم يوم وقفيه 

يبقا كدا بشرتك حساسة من فيتامين سي  💔

بعد ما توزعت السيرم على بشرتك حطي الكريم الليلي عادي جدا او أي كريم مرطب وأدعيلي